محكمه الحب

الاجوبة حلوة والاسالة هم

اني اسالتي اذا زوجج عصب عليج لان اتني غلطتي غلطة جبيرة شنو يكون موقفج


تحبين الرجل ايكون حالتة زينة يعني متمكن لو عادي متهمج المادة

سالي كتب:

الاجوبة حلوة والاسالة هم
تسلمين حبي انتي الاحلى

اني اسالتي اذا زوجج عصب عليج لان اتني غلطتي غلطة جبيرة شنو يكون موقفج

والله سالي ماعرف شنو راح يكون موقفي والله لايكولها ولا يوكعني بهيجي موقف ولا اشوفة يعصب علية
واني اعرف طبعة فمستحيل اغلط غلطة جبيرة تاذيني وتاذي يعني الحمد لله اني كلش محافظة على روحي من هيجي مواقف

تحبين الرجل ايكون حالتة زينة يعني متمكن لو عادي متهمج المادة

لا ابد متهمني المادة اهم شي عندي تكون الاخلاق يعني اني لمن اتزوجتة مو علمود عنده لو ماعندة اهم شي اخلاقة ويخاف الله لان الفلوس تروح وتجي
الحمد لله رب العالمين

واسالتج كانت خفيفة وياهلا بيج حبي

بالنتظاركم حبايب

هللللللللللللللللللو ام منظوري
السؤال الاول
هل يساعدك زوجك بالبيت
وشنو نوع المساعده
السؤال الثاني
اين قضيتي شهر العسل وماهو شعورك كان وكم يوم كان شهر العسل
لونك المفضل وبرجك وبرج زوجك
كافي ام نظوري جاوبي يصراحه لا الحبل لازال بانتظارك

مينا الغرام كتب:

هللللللللللللللللللو ام منظوري
هلو بيج قلب

السؤال الاول
هل يساعدك زوجك بالبيت
وشنو نوع المساعده

لا والله ميساعدني بالبيت لان هو اكثر اليوم يكون بالشركة فبعد يجي تعبان وراسة يوجعة يادوب يلعب وية نظوري شوية او نطلع بالسيارة نقضي شغلاتنة ونرجع فشغل البيت كلة اني اسوي بس الاشياء الي تتطلب هو يسوية ميقصر يسوي يعني مثلا يدك لوحات او يركبلي بردة يعني هيجي سوالف

السؤال الثاني
اين قضيتي شهر العسل وماهو شعورك كان وكم يوم كان شهر العسل
والله حبي مرحنة الاي مكان شهر عسل بس الحمد لله الله عوضني ايامي كلة عسل وابو نظوري عوضني على شهر العسل الحمد لله
وكل ميمر عيد زواجنة كانة هاي اول سنة النة من الزواج

لونك المفضل وبرجك وبرج زوجك
لوني ولون زوجي الون الوردي وبرجي العذراء وبرج زوجي السرطان

كافي ام نظوري جاوبي يصراحه لا الحبل لازال بانتظارك

واني بانتظارك حبي والجواب كلة الي اجاوبة بصراحة وصحيح مية بالمية
وياهلا بيكم حبايب

هلو ام نظوري رجعت مرة ثانية

حسيتي في يوم انج مقصرة مع زوجج

يابلد حابة زوري

امنية تتمنين تتحقق

انتي عصبية

سالي كتب:

هلو ام نظوري رجعت مرة ثانية

ياهلا بيج حبي

حسيتي في يوم انج مقصرة مع زوجج
والله حبي اني احاول انو ماكو مقصرة وياة باي شي ودائما اكولة خو ممقصرة وياك بفد شي يكول لا والله دتسوين الي عليج وزايد الحمد لله

يابلد حابة زوري
مصر لان مشتاقة الاصدقاءنة كومة

امنية تتمنين تتحقق
ان استقر ابيت ملك وبيتي ابني على مزاجي

انتي عصبية

اي اني عصبية بس كدام ابو نظوري ابد ماصير عصبية لان ميتحمل يشوفني عصبية هو هم راسا يعصب فمنرهم اثنيناتنة انعصب لمن ابو نظوري مموجود اخذ راحتي وية نظوري هههههههههههههههههههه

وياهلا بيج حبي بانتظاركم حبايب

ام منظوري كنت رائعه في محكمه الحب
وننطيك درجه 99 وماشاء الله عليكم الله يديم المحبه واتمنى لك كل الحب والتقدير
اختك مينا الغرام
والان من حقك تختارين عضوه جديده والف شكر لك

تسلميلي قلبي مينا على تقديرج الحلو الية وراح اختار الاشتياق

شكرا لك ام نظوري
وطلعت من المحمكه براه ووالحمدو لله نورتينا ونورتي المحكمه
وبانتظار اشتياق واذا لم تستطيع عليها ان تختار عضوه اخرى
ولكم كل الشكر من مينا الغرام

هلووووووووووووووو بنات

طبعا فاجئتوني باختياركم الي بمحكمة الحب هو الظاهر هاي السنة بالنسبة الي سنة المحاكم العالمية خخخخخخخخخخخخخخة كظيتها بالمحاكم برة المنتدى وجوة المنتدى

حبيباتي اني حاظرة لاسئلتكم وراح اوكف بالمحكمة انتظرها

يلة وينكم


ويييييييييين الاسئلة

دا انتظر بفارغ الصبر

قبلت الدعوة ومشكورة ام نظوري على اختيارج الي

هلو حياتي شوشو اني رح ابدي اسألج
شكد طولت فترة خطوبتج؟؟؟
وكم مرة تزاعلتو بفترة الخطوبه؟؟؟وكل مرة شكد تظلون متزاعلين وتتصالحون؟؟؟
منو جان يحب الثاني اكثر انتي لو هو؟؟؟
منو اول حب بحياتج؟؟؟
وشنو جانت مواصفات فارس احلامج؟؟؟ولكيتيها بزوجج؟؟؟

وآسفه حبي عالاطاله

هلوووووووووووووووووووووووووووووو
الحمدو لله جائت اشتياق ومتحضره للمحكمه ومستعده لكل الاسئله
وباسم الله نبدا
السؤال الاول
هل تؤمنين بالحب من اول نظره
السؤال الثاني ضد لو مع الزواج عن حب
السؤال الثالث
اغلى هديه استلمتيها من حبيبك
وشكرا لك اترك باقي الاسئله للعضوات

هلوووووووووووووووووو
لتخافين حياتوا انتي مو هسه يجي الحبل نهايه المحكه ونتاكد من ردودك صحيحه مئه بالمئه وبعده تقرر محكمه الحب
نبدا من جديد
السؤال الاول
هل عشتي ايام الحب الحقيقه وكيف اصفي لنا
ماهي الاغاني الحب الي اتعودتي تسمعيها وتذكرك بايام الحب
من هوبنظرك الي غنى للعشاق
هل مع ان الحب عذاب ولا حلووووووووووووو
اذكري لنا مقطع من اغنيه كانت ملازمتكايام حبك
وكافي ما اتعبكننتظراسئله عضوه اخرى

[flash][/flash]

روععععععععععععععععععه ولله والجوبه كلش حلوه ولطيفه وصريحه
تسلمين
والاغاني كلش حلوه انا نفس الشى احب اغنيه عمرو ذياب انا ليك
شكرا لك اشتياق وننتظر باقي العضوات بتوجيه الاسئله لك لان مده المحاكمه اسبوع

هلو حبيباتي ومشكورة حبي مينا على الموضوع اللطيف
ابدي اسئلتي للوردة المنتدى اشتياق
(اكثر عمل طائش عملتي بمراهقتج ومن تذكري تضحكين وتضوجين بنفس الوقت) (
(سويتي شي بحياتج وكلتي لو ما اسوي اني ماافتهم كلشي)
(كم مرة حبيتي وكان حب لو مجرد اعجاب
)
وهاهيه وان شاء الله مضوجتج بأسألتي
ننتظرج وردة

اشتياق منورة المحكمة ان شاء الله ايامج كولهة حب&حب


اسالتي كالتالي

منو اكثر اخوتج مقرب الج

شنو ترتيبج بالعائلة

انتي عصبية او هادئة

تحبين تصادقين لو تكولين خليني بدون اصدقاء احسنلي

تغارين من شوفين وحدة حلوة ومعجبيهة هوااااااااااي

شنو امنيتج

وبس اتمنى متكون اسالتي ثقيلة عليج

نبدي اولا بام نووووورهان الوردة

لااااااااااااا بالعكس حبي ابدااااا مضوجتيني بالاسئلة بالعكس افرح بيها واستمتع كلللللللللش

وهاي اجوبتي على الاسئلة


(اكثر عمل طائش عملتي بمراهقتج ومن تذكري تضحكين وتضوجين بنفس الوقت)

خخخخخخخخخخخخخخخخخخخة جنت من اشد المعجبين بالفنان كاظم الساهر وبما انه بمرحلة المراهقة جنت ومشاعري متأججة فجنت اتخيل نفسي احبه ومعيشة نفسي بقصة حب خيالية وياه خخخخخخخخخخخخخخخخخخخخخخخخخخخخخخخخخخة واشتركت بنادي معجبيه بسسسسسسسسس حتى احصل المجلة الشهرية التي بيها صورة واخباره وهذا عمل طااااائش بمراهقتي كل ما اذكره اضحك على نفسي واضوج اكول شكد جنت سخيفة وتااااااااااااااااااااااااااااااااافهة بمرحلة المراهقة مالتي


(سويتي شي بحياتج وكلتي لو ما اسوي اني ماافتهم كلشي)

ما ادري شلون اجاوب يمكن مدا افتهم السؤال كلش ومدا اذكر شي بحياتي مر عليه وكلت هيج عبارة هوااااية شغلات مرت عليه بحياتي بس اكثر شي من حسيت انو عمتي ام زوجي دتتبع وياية خطة استراتيجية طويلة المدى خخخخخخخخخخة القصد منها تبقيني على الحديدة ومفلسة العمر كله حتى ميصير براسي خير وما اكدر اكون نفسي براتبي وراتب زوجي فجانت تاخذ راتب زوجي وبنتها تبوك من راتبي كل فترة حتى نبقى مفلسين وتحت رحمتها فكلت اذا ملكيت حل لهاي الكارثة اني ما افتهم شي وحاولت الم كم فلس كل شهر ميتجاوز 100 الف دينار عراقي يعني اقل من 100$ بالشهر وفتحت حساب بالمصرف وكل شهر احط بيه اللي يبقى جوة ايدي من رااااااااااااتبي اني طبعا كلت هاي اول خطوة حتى اسند بيها نفسي واحاول احافظ بيها على كرامتي وكرامة اطفالي بالمستقبل وفعلا سويت هاي الخطوة رغم قلة المبلغ بس جنت احس بنفسي داا اسوي شي ضد مخططاتها الحقيرة تجاهي ومجان احد يدري بهذا الموضوع



(كم مرة حبيتي وكان حب لو مجرد اعجاب

حبيت مرة وحدة بالكلية استاذي بس مكان حب حقيقي ولا كان هم اعجاب لانه مكان شخصية بيها مواصفات تعجب اي بنية من ناحية الشكل والاخلاق بس كان حب لمجرد الحب فقط ........ اما الحب الاول والحقيقي بحياتي فكان لزوجي وبسسسسسسسسسسسسس

وهاي اجوبتي على اسألتج حبي سالسي بالعكس اسألتج حلوة وخفيفة ابد مووووو ثقيلة تسلميلي على الدعوة الحلوة وان شاء الله كلكم وردات وان شاء الله حياتكم كلها حب بحب


منو اكثر اخوتج مقرب الج:

اني واخوتي تربينا سوية بدون علاقات اجتماعية يعني عايشين وية بعض مثل الاصدقاء ومنغلقين على نفسنا ولذلك علاقتنا جانت كلش قوية من الصغر بس من صغري كان اخوية التوأم هو الاقرب الي نلعب سوية وبالصف سوية برحلة وحدة ومنقبل نتفارق ونقرء سوية لان بمرحلة دراسية وحدة ولحد ما كملنا سادس علمي واحنا سوية وبعدين كل واحد راح لكلية شكل بس لحد الان هو اله مكانه مميزة عندي غير كل اخوتي ... اما هسة يبالكبر فاني واختي علاقتنا قوية ومقربات وهية مرات تستحي تطلب شي من والدتي تجي تطلبة مني لان اني اختها الجبيرة .... بصراحة كل واحد منهم اله مكانه جبيرة.. اخوية الجبير سندي والجأله بالرأي والمشورة هو وزوجته بعد وفاة والدي الله يرحمه ... واخوية الصغير هذا اني ربيته وهم اله مكانه خاصة بس الاقرب هو التوأم مالتي




شنو ترتيبج بالعائلة


ترتيبي الثانية او بالاحرى الثالثة لان اني واخوية توائم بس هو اكبر مني ب 7 دقايق بسسسسسسسسسسسسسسس يعني احنا الاثنين انولدنا بنفس الساعة فأكدر اكول انو اني ترتيبي الثالث



انتي عصبية او هادئة

اني خارج البيت كلللللللللللللش هادئة وخجولة ومنطوية الا مع صديقاتي المقربات فاني فري ومنطلقة ... بس اني بطبعي وداخل البيت كللللللللللللش عصبية واثور بسرعة



تحبين تصادقين لو تكولين خليني بدون اصدقاء احسنلي

لا اني اكول بداخلي خليني بدون اصدقاء احسن بس بصراحة الحياة بدون صديق لا تطاااااااااق احلى علاقة بالدنيا هية الصداقة في الله ولله والحمد لله اني نعمة من رب العالمين عندي صديقات يخبلووووووووووووووووون بايام المدرسة عندي صديقة مقربة لحد الان وياها وبايام الكلية عندي مجموعة صديقات مقربات لحد الان متواصلين اكثر من الاخوات وبمكان عملي مجموعة صديقات روووووووعة وانتو هنا بالمنتدى ونعم الصديقات والاخوات العزيزات



تغارين من شوفين وحدة حلوة ومعجبيهة هوااااااااااي

لا بالعكس ما اغار اني هم اعجب بيها واحب اعرف صفاتها اللي تخلي الناس معجبين بيها بس اني بطبعي ما اغار ما جنت احس بالغيرة الا على زوجي وبسسسسسسس خخخخخخخخخخخخخخخخخخخخخخخة


شنو امنيتج

هواااااااااااااااااااااااااااااااية امنيات عندي ...هسة امنيتي اكمل دراسة بكلية الاعلام وان شاء الله هية مو امنية بعيدة عن قريب باذن الله تتحقق اذا الله سهل ........... والامنية الثانية انو اشتري سيارة احبها واتعلمك سياقة باذن الله وتتوفر الظروف الملائمة انو اكدر اني واخوتي نلم مبلغ ونشتري بيت ونسكن بيه ونخلص من الايجارات هاي اقصى امنياتي ......... اما امنيتي الشخصية انو اصير رشيقة وانزل وزني الى الوزن المثالي هااااااااااي احلى امنيااااااااااااااااتي ادعووووووووووووووووولسي احققهن

[ندعوك للتسجيل في المنتدى أو التعريف بنفسك لمعاينة هذه الصورة] تعالي على اسئلتي الخنفشاريه خخخخخخخخخخخ [ندعوك للتسجيل في المنتدى أو التعريف بنفسك لمعاينة هذه الصورة]

السوؤال الاول اكثر مره مكتوله كتله غسل ولبس هع

اذا جنتي طالعه طلعه وكاشخه بيها وكدامج عتروسج ونجبحتي وكعتي شنو حيكون شعورج خخخخخخخخخ


متذكرين فد يوم لحكج مخبل بشارع واذا جان لاكج شنتي راح تسوين هههههه

تعالي سولفيلنه كم مره امج بسطتج وعلى شنو ههههه

شنو جان شعورج بليله الدخله؟

كملي هذني والي رجعه مرتون اوخرى هع هع هع [ندعوك للتسجيل في المنتدى أو التعريف بنفسك لمعاينة هذه الصورة]

شكد مكروووووووووووووووووهة اسألتج خبيثة مثلج خخخخخخخخخخخخخخخخخخخخخة

السوؤال الاول اكثر مره مكتوله كتله غسل ولبس هع

والله بعمري ما مكتولة الا على ايد ابو عتريسي الله يكسر ايده هجم عليه هو وبنته الحقيرة وشبعوني كتل واجه هو عليه وسحلني من شعري بالهول الله لا يسامحه ويطلع حوبتي بيه وبمرته وبنته آآآآآآآآآآآآمين حسبي الله ونعم الوكيل عليهم


اذا جنتي طالعه طلعه وكاشخه بيها وكدامج عتروسج ونجبحتي وكعتي شنو حيكون شعورج خخخخخخخخخ


الحمد لله والشكر مصاير بيه هيج موقف بس اذا يصير اكيد اكوووووووووووووووم ابجي من الفشلة خخخخخخخخخخة سؤال خبيث


متذكرين فد يوم لحكج مخبل بشارع واذا جان لاكج شنتي راح تسوين هههههه

لا لا ماكو مرة صاير بيه هيج ومخبل ولا عاقل هم لاحكني بس من امر يذبون حجي اي واني اشغل تايراتي وافلت بس محد لاحكني الحمد لله



تعالي سولفيلنه كم مره امج بسطتج وعلى شنو ههههه

لا والله ابد امي ابد ما مادة ايدها علية الحمد لله ماما وبابا ميتعاملون بالضرب كلش بس من جنا صغار يجرونا من اذنا وبابا الله يرحمه كان مجرد يرزل او يباوع بغضب جانت الدنيا تسود بعينا لان نضوج من يزعل من عدنا الله يرحمه ويغفرله ويسكنه فسيح جناته



شنو جان شعورج بليله الدخله؟

[b]كومة مشاعر مخبوطة وحدة باللخ بس عموما احساس حلو لان وية حبيبي وحدنا بالبيت ومتلهفين لبعض

خخخخخخخخ موخوش اجوبه مقتنعت بس خلي افكر والي رجعه خخخخخخخخ

رجعتتتتتت




تردين اسالة عن الحب

سولفينة عن اول ليلة بعد الزواج وين رحتو فندق او بالبيت

شنو الشي الي كنتي منتظرتة من زوجج او محصلتي

تحبين الزوج يبادر بالحب لو انتي

خخخخخخخخخخخخخخخخخخخخخخة بسبووووووسة ليش ممقتنعة بالاجوبة ولج مو راح انشنق بسببج هههههههههههههة
انتظر اسألتج الثانية

حبي سالي وهاااااااااي اجوبتي :

سولفينة عن اول ليلة بعد الزواج وين رحتو فندق او بالبيت


اول ليلة كظيناها ببيت اهله الاكشر بس همة راحو يومين ((مكلفين روحهم )) راحو لبيت جدهم باتو بنفس المنطقة وفرغولنا البيت جانت ليلة حلوة بدايتها جانت بغرفة نومنا وبعدها طفت الكهرباء وعطلت المولدة وصعدنا فوك السطح كملنا الليلة جانو محظرين قريولتين حديد طابكيهن وفارشيهن محسبين حساب الكهرباء خخخخخخخخخخخخخخة وبعدين هم اجتي الكهرباء ونزلنا جوة كملنا الليلة خخخخخخخخخخخخخخخخة صرنا مثل ام البزازين بس جاااااااااااااااانت حلوة تخبببببببببببللللللللل





شنو الشي الي كنتي منتظرتة من زوجج او محصلتي

جنت منتظرة منه يكون رجااااااااال بمعني الكلمة يصون كرامتي ويوفرلي ابببسط حقوقي ويكون كريييييييممممممم ميبخل علية بشي وهذني محصلتهن منه



تحبين الزوج يبادر بالحب لو انتي


يعني تقصدين قبل الزواج لو بعد الزواج؟؟؟؟ اذا تقصدين قبل الزواج فاكيد الزوج من يبادر احلى

اما اذا تقصدين بعد الزواج فماكو فرق احنا بعد نصير واحد واي شخص يبادر بالحب تجاه الثاني متفرق المهم يتبادلون الحب مو مهم منو اللي يبادر

حياتي شوشو احب اسألج مرة ثانيه ولو ثقلت عليج اعذريني ياحلوة

حياتيي انتي صغيرونه وحلوة واكيد هسه العيون عليج اذا انشالله بهالشهر تعرفتي على رجـــــــــال بمعنى الكلمه وحب يرتبط بيج شنو شروطج؟؟؟

وسؤال ثاني شنو العبر او الدروس الي تعلمتيها من تجربتج السابقه؟؟؟