محكمه الحب

مشاركة حلوة اني هم متحمسة دا انتظر اول واحد نحاكمة بمحكمة الحب ...


عاشت ايدج حبي مينا حلوة هاي المسابقة وممتعة

حلوه هاي اللعبه هموسه
اني ارشح ام بساسه لان هي مديرتنا ونبدي بقمة المثلث مو احسن وبكيفكم انتو

مشكووووووووووورة قلب هميسة دائما مواضيعج مميزة وحلوة يلة ننتظرج اختاري عضوة

هلوووووووووووووووووو بنات
اليوم ضيفتنا الاولى والي راح تشرف المحكمه هي الاخت الخفيفه الضل ام نظوري الورده
وانتوا براحتكم وجهوا الاسئله الي بخواطركم
تفضلي ام منظوري اليوم المحكه منوره بوجودك

بسم الله نبدا
السوؤال الاول
هل تزوجتي عن حب وكم مده العلاقه كانت؟؟؟؟؟
السؤال الثاني ايهما افضل زواج الحب لو الزواج عن طريق الاهل؟؟؟؟
تؤيدين الحب من اول نظره ام لاء؟؟؟؟؟
السؤال الرابع
هل الحب ينتهي بعد الزواج لو يبقى ويزيد لو يخف؟؟؟؟
السؤال الخامس اول يوم قلبك عرف الحب ماهو شعورك كان

وان شاء ننتظر اجاباتك ونحضر لك اسئله اخرى
باي مع احلى ذكرياتك للحب

هلووووووووووووووو حبايب مشكورة حبي مينا للاستضافتي وان شاء الله اجاوب على كل الاسئلة واكون خفيفة الظل عليكم حبايب

راجعة وياكم

هلووووو اني اسئلتي التالي
س1\هلو تؤيدين الزواج الثاني للزوجك للقضاء على العنوسه وقلة الرجال في وقتنا الحالي؟
س2\انتي وزوجج كنتو طالعين وشفتيه يباوع على وحده احلى منج شنو اتسوين؟
س3\ابنج يشبهج لو يشبه زوجج؟
س4\الحب الللي تكنيه لزوجج كم تقريبا يعني من واحد الى عشره الاختيار؟
س5\الحب شنو تلخصيه بكلمتين بنظرج؟
س6\من اكثر عطاء بالحب برأيج الزوجه ام الزوج؟
وبعد عندي كومه اسئله بس هالمره اكتفي بهاي لان يمكن راح اتعبج بس المحكمه محكمه مو لو مومو؟؟؟؟

مينا الغرام كتب:

بسم الله نبدا
السوؤال الاول
اي حبي تفضلي

هل تزوجتي عن حب وكم مده العلاقه كانت؟؟؟؟؟
لا تزوجت عن طريق الاهل وكانت مدة العلاقة 6 شهور

السؤال الثاني ايهما افضل زواج الحب لو الزواج عن طريق الاهل؟؟؟؟
اني افضل زواج عن طريق الاهل واكيد واحد راح يحب الثاني مثل ماصار وياية

تؤيدين الحب من اول نظره ام لاء؟؟؟؟؟
اي اؤيد الحب من اول نظرة وجانت نظرة مو طبيعية ههههههههههههه

السؤال الرابع
هل الحب ينتهي بعد الزواج لو يبقى ويزيد لو يخف؟؟؟؟
لا يبقى ويزيد اكثر يوم بعد يوم الحمد لله

السؤال الخامس اول يوم قلبك عرف الحب ماهو شعورك كان
جان شعوري انو طايرة بالسما واحس روحي خفيفة واريد اطير واسوي كلشي يعجبني
واغني وارقص واطلع ماعرف اشلون اوصف الشعور موطبيعي لايوصف لابكلمة ولا بحرف


وان شاء ننتظر اجاباتك ونحضر لك اسئله اخرى

تدلليين حبي

باي مع احلى ذكرياتك للحب

تسلميلي ياعسل

ريماس2005 كتب:

هلووووو اني اسئلتي التالي
هلووووووووووات حب

س1\هلو تؤيدين الزواج الثاني للزوجك للقضاء على العنوسه وقلة الرجال في وقتنا الحالي؟
لا مافضل بس واذا جاب علية وحدة خلي يشبع بية ولو شميصير ميسوية يحبني وميكدر يزعلني وبعد كل وحدة وقسمته يعني هي راح تجي علية اني الي راح اقضي على العنوسة الي بهالوقت ههههههههههههههههههههه كل وحدة مترضى علية ضرة

س2\انتي وزوجج كنتو طالعين وشفتيه يباوع على وحده احلى منج شنو اتسوين؟
اباوعلة واسكت وهو رسا يعرف وهو ميباوع دائما الا اذا كانت وحدة كلش تلفت النظر
واكثر شي يباوع على الي خابصة روحة بالمكياج ومخربطة روحه بالبس ينتقده كدامي ونضحك سوية هههههههههههههههههههههه

س3\ابنج يشبهج لو يشبه زوجج؟
لا ماخذ مني ومن زوجي


س4\الحب الللي تكنيه لزوجج كم تقريبا يعني من واحد الى عشره الاختيار؟
شنو من واحد الى عشرة كلش قيل بالنسبة الية كولي مليون عشر ملايين بية مجال ولو ماعترف بالارقام الحب مابي لاقياسات ولا ارقام ولا بكد اي شي يعني لمن احجي وياه ماكولة اني احبك بكد الدنيا لان هم ميكفيني اموت علية بشكل جنوني هههههههههههههههه

س5\الحب شنو تلخصيه بكلمتين بنظرج؟
الحب احلى شي بالدنيا كلة والحب هو(رمز الحياة)

س6\من اكثر عطاء بالحب برأيج الزوجه ام الزوج؟
والله مادري كل واحد شكل اكو مو هلكد واحد يحب الثاني واكو حب من طرف واحد
بس بالنسبة الية اثنيناتنة واحد يموت على الثاني واكثر شي المرة دائما تكون وفية بحبة الزوجة اكو رياجيل ميمشي معاهم كلام الحب والغراميات يكولون احنة شنو قابل مراهقين بس الحب مابي صغير وجبير الحب بكل وقت يكون

وبعد عندي كومه اسئله بس هالمره اكتفي بهاي لان يمكن راح اتعبج بس المحكمه محكمه مو لو مومو؟؟؟؟

لا حبي اسئلتج عسل لاتعب ولا شي ياهلا بيج قلب


بانتظار الحبايب
واحلة محكمة بالنسبة الية

حلوة الاسئلة والاجوبة احلى تسلم الايادي موضوع مميز

بس مع الاسف ماكو ببالي اي سؤال لام نظوري
خخخخخخخخخخخخخخخة

هلووووووووووووووو ام منظوره
حبيبتي انتي غركانه بالعسل ومنعرف
لعد كلش زين نزلت المحكمه
اجوبتك حلوه وصريحه وكلش حلوه

بسم الله نبدا من جديد
ماهي اول هديه خاصه استلمتيها من ابو نظوري اذا تذكرين
اول كلمه حب سمعتيها منه وشنو كانت بصراحه
بمن تشبهين زوجك من الشخصيات المعروفه
كم مره يتصل بيك باليوم اذا طلع
شنو اول كلمه يكلج بالتلفون
ومن اسدين التلفون شنو اخر كلمه اتكليله
كافي ام منظوري نرجع مره ثانيه حبب

جنه كتب:

محكمه لطيفه عاشت ايدج مينا على هالموضوع
والف هلا بالضيفه الرائعه ام نظوري وهسه نسالج:
اهلا وسهلا بيج قلبي وانتي الاروع حب

شلون تتصرفين لو اكتشفتي لاسامح الله ان زوجج يخونج تعصبين لو تسوين نفسج ولا يمج شي مثل اغلب النسوان ؟؟
لالله لايكولها واني متاكدرة مية بالمية وابصم بالعشرة انو ميسويها بس مثلا مثلا هههههههههههههه
طبعا راح اعصب واعوفة والله لايكولها تنتهي العلاقة بعد ماكدر اعيش وياه ابد وطبعا هو دائما يحذر اصدقاءة من هاي الشغلة الحمد لله ميحب الخيانة ابد ولا يحب بظلم المرة الحمد لله

قدمتي فد يوم تنازل لزوجج؟وهو هم مرة قدم تنازل لخاطرج؟بصرااااااحه...
اكيد لازم تكون اكو تنازلات بين الرجل والمراة والا السفينة مراح تمشي صح لو لا وطبعا قليل مصادفة تنازلات بس الاكثرية اني اتنازل لان مشكلتي بسرعة يقنعني بكلامة ولمن يحس انو اني كوة داقتنع بكلامة يعوفني واني ارجع علية اكولة اني مداكدر اقتنع بكلامك ههههههههههههههههه بس اكيد هو كلامة الي راح يمشي هههههههههههههههههههههه

تكدرين تنتقدين زوجج اذا شفتي صفه محلوة بيه لو ماتتجراين؟
اي عادي اكدر لان مابين الازواج زعل وخوف ليش عادي اذا اشوف صفة محلوة بي اكولة بس بطريقة مؤدبة مو اجرحة بية وهو عصبي ودائما اكولة انتة عصبي هواية واني ميعجبني هههههههههههههههههههههه فهو يحس على روحة عصبي ويهدي روحة بس مو وياية اذا كان اكو موضوع او فد شي ميتحمل يعصب

عندج صفه ينتقدج بيها زوج وتتمنين تعوفيها؟
والله اني قريت اسالتج وسديت النت رحنة تعشينة لمن خلصنة عشاء سالت ابو نظوري كتلة اني عندي صفة موحلوة ومعاجبتك بية هو ابتسم وصفن ويباوعلي جان يكول لا انتي كاملة الاوصاف حياتي وكلشي بيج يعجبني تدرين ليش سالتة لان مجنت ادري ولا هو ذاكر كدامي من قبل انو عندي صفة موحلوة الحمد لله

منو الاعز زوجج لو اولادج؟بصراحه
والله ثنينهم ماكدر افرق بينهم الله يخليهم الية

لو كلنالج اخطبي وحدة من بنات المنتدى لفد واحد راح على اساس شنو تختاريها
طبعا سؤال صعب بس يكون اعرفة معرفة شخصية مؤدبة واخلاقه عالية وتحترم الاخرين ومو مغرورة وشايفة روحه عالكل لان اكرة شي عندي الغرور

ولو بنيه من المنتدى كالت اريد تشوفيلي عريس شنو مواصفات الرجال الزينه برايج من الاهم للمهم رتبيهن
والله اهم شي الاخلاق هاي اول شي ويحترم المرة ويخاف علية من الهوى الطاير وطبعا يخاف الله اهم شي وبعدين تجي الاشياء الثانوية الي هي المادة والعمل وغيره

اكتفي بهالقدر واذا تذكرت اي سؤال ركضضضض

ويا هلا بيج قلبي اسئلتج حلوة وعسل مثلج مشكورة حبي


واني هم اكوم انام وباجر ارد على باقي الائسئلة لان قفلت

مينا الغرام كتب:

بسم الله نبدا من جديد
ماهي اول هديه خاصه استلمتيها من ابو نظوري اذا تذكرين
طبعا اتذكر اشلون ماتذكر احلى هدية بالنسبة الية جابلي موبايل كال علمود نتخابر على طول واسمع صوتج حياتي ولحد الان محتفضة بي

اول كلمه حب سمعتيها منه وشنو كانت بصراحه
والله هواية كلام حب سمعت منه ماكدر اعيش بدونك حبيبي _ اظل احبج طول العمر _ ماكدر على بعد عيونج الحلوة هذا طبعا قليل منه الكلام لان اذا اريد اكتب ماخلص للصبح هههههههههههههههههههههههههههه

بمن تشبهين زوجك من الشخصيات المعروفه
زوجي ميشبة احد من الشخصيات لان ماكدر اشبهه باحد ابدددددددددددد

كم مره يتصل بيك باليوم اذا طلع
طبعا يطلع الصبح الظهر ب12 يخابرني ويجي على الغدة بالوحدة ولمن يطلع ورة الغدى العصر هم يخابرني او اني اتصل بي يسال علينة
ووراه بساعتين هم يتصل بية يعني 3 مرات او 4 مرات باليوم هم تكون

شنو اول كلمه يكلج بالتلفون
اشلونك حب او اشلونج حمامش طبعا احنة عدنة كلمات احنة مخترعية بيناتنة نستعملة او اشلونك حبايب او اشلونك رورح الروح او اشلونك حياة الحياة هههههههههههههههههههههههه

ومن اسدين التلفون شنو اخر كلمه اتكليله
باي حب او باي قلب او باي حبيب روحي يعني اول كلمة بالتلفون حب واخير كلمة بالتلفون هم حب هههههههههههههههههههههههههههههه متعودين يعني ولا مرة تخابرنة وبدون منكول هاي الكلمات حتى لو بالشارع او وياية احد عادي كلش همه يضلون يباوعون علية ومبتسمين يعني مو هلو اشلونج شخبارج شكو ماكو وبس اذا مو وياه حب فلسين ميسوة هههههههههههههههه

كافي ام منظوري نرجع مره ثانيه حبب

واني بانتظاركم وبانتظار اسالتكم العسل حبايب
مادري اني كم يوم يحقلي ابقى اجاوب على الاسئلة ؟
لو اختار عضوة بعدي لو شنو الفلم هميسة

هلووووووووووووووووو ام منظوري
لا تقين اقل مده اسبوعوبعد وين وينشنو
مستعجله
لكن اجاباتك كلش حلووووووووووووووووه يسلموا الحلوين

اني مازعجك باسئلتي بس سؤالين
الاول انتي شنو مسميه زوجج بموبايلك وهو شنو مسميج

السؤال الثاني منو من عدكم يتذكر عيد ملاد زواجكم وشنو تبادلو الهدايه واول هديه شنووو

حياتي مينا لا بالعكس اني متونسة على اسالتكم الحلوة بس داسال داشوف شكد ابقى

ام بساسه كتب:

اني مازعجك باسئلتي بس سؤالين
لا حبي اي شي يعجبج تستالين سالي اني بالخدمة

الاول انتي شنو مسميه زوجج بموبايلك وهو شنو مسميج
مسمية طبعا قبل حبيبي وصار تقريبا اربع سنين غيرتة وسويتة حبيب قلبي
وهو قبل جان مسميني حبيبة قلبي وراه حمامش هاي بلغتنة طبعا ههههههههههه وهسة
heart
السؤال الثاني منو من عدكم يتذكر عيد ملاد زواجكم وشنو تبادلو الهدايه واول هديه شنووو

محد يذكر الثاني اثنيناتنة حافظية ونعرف اي يوم بس ندخل شهر الرابع طبعا واحد ميكول للثاني انو هذا شهر الرابع
بس اني اعرفة من عيونه ادري انو هو يدري وماريد اذكرة وهو هم يعرفني لان اني اظل مبتسمة على طول وهو هم هههههههههههههههههههه وهو ميريد يذكرني واني هم ماريد اذكرة علمود واحد يفاجئ الثاني بالهدايا واول هدية عيد زواجنة جابلي عطر شانيل وكيكة وورد واني اشتريتلة ساعة govial

وياهلا بيكم حبايب اني بانتظاركم

الاجوبة حلوة والاسالة هم

اني اسالتي اذا زوجج عصب عليج لان اتني غلطتي غلطة جبيرة شنو يكون موقفج


تحبين الرجل ايكون حالتة زينة يعني متمكن لو عادي متهمج المادة

سالي كتب:

الاجوبة حلوة والاسالة هم
تسلمين حبي انتي الاحلى

اني اسالتي اذا زوجج عصب عليج لان اتني غلطتي غلطة جبيرة شنو يكون موقفج

والله سالي ماعرف شنو راح يكون موقفي والله لايكولها ولا يوكعني بهيجي موقف ولا اشوفة يعصب علية
واني اعرف طبعة فمستحيل اغلط غلطة جبيرة تاذيني وتاذي يعني الحمد لله اني كلش محافظة على روحي من هيجي مواقف

تحبين الرجل ايكون حالتة زينة يعني متمكن لو عادي متهمج المادة

لا ابد متهمني المادة اهم شي عندي تكون الاخلاق يعني اني لمن اتزوجتة مو علمود عنده لو ماعندة اهم شي اخلاقة ويخاف الله لان الفلوس تروح وتجي
الحمد لله رب العالمين

واسالتج كانت خفيفة وياهلا بيج حبي

بالنتظاركم حبايب

هللللللللللللللللللو ام منظوري
السؤال الاول
هل يساعدك زوجك بالبيت
وشنو نوع المساعده
السؤال الثاني
اين قضيتي شهر العسل وماهو شعورك كان وكم يوم كان شهر العسل
لونك المفضل وبرجك وبرج زوجك
كافي ام نظوري جاوبي يصراحه لا الحبل لازال بانتظارك

مينا الغرام كتب:

هللللللللللللللللللو ام منظوري
هلو بيج قلب

السؤال الاول
هل يساعدك زوجك بالبيت
وشنو نوع المساعده

لا والله ميساعدني بالبيت لان هو اكثر اليوم يكون بالشركة فبعد يجي تعبان وراسة يوجعة يادوب يلعب وية نظوري شوية او نطلع بالسيارة نقضي شغلاتنة ونرجع فشغل البيت كلة اني اسوي بس الاشياء الي تتطلب هو يسوية ميقصر يسوي يعني مثلا يدك لوحات او يركبلي بردة يعني هيجي سوالف

السؤال الثاني
اين قضيتي شهر العسل وماهو شعورك كان وكم يوم كان شهر العسل
والله حبي مرحنة الاي مكان شهر عسل بس الحمد لله الله عوضني ايامي كلة عسل وابو نظوري عوضني على شهر العسل الحمد لله
وكل ميمر عيد زواجنة كانة هاي اول سنة النة من الزواج

لونك المفضل وبرجك وبرج زوجك
لوني ولون زوجي الون الوردي وبرجي العذراء وبرج زوجي السرطان

كافي ام نظوري جاوبي يصراحه لا الحبل لازال بانتظارك

واني بانتظارك حبي والجواب كلة الي اجاوبة بصراحة وصحيح مية بالمية
وياهلا بيكم حبايب

هلو ام نظوري رجعت مرة ثانية

حسيتي في يوم انج مقصرة مع زوجج

يابلد حابة زوري

امنية تتمنين تتحقق

انتي عصبية