مالتغييرات التي حدثت معكي بالغربة ؟؟؟

السلام عليكم عزيزاتي

شلونكم اخباركم اريد من كل عضوة من العضوات اتسولف اشصار وياهة من تغييرات بالغربة ؟؟

والله هواي تغييرات صرت مااحب اصادق ناس لان تعودت عل وحدة وكلامي قليل

وهواي تغيرات بعد الوحدة بس الحمد لله زوجي مونسني واطفالي هم

الله يعين كل المغتربين والمغتربات ويرجعهم لبلادهم سالمين غانمين

اي والله سالي واني صارت دمعتي كلش قريبة ورأسن احس بالغربة من اتضايق من شي
والله يسمع منج شيوقة
تسلمولي عالمرور

اني نفس مكالت سالي احس بوحده كبيره والوحده بالنسبه الي وحدة المكان والزمان والاشخاص
بس صرت اكثر اعتمد على نفسي الصراحه احس روحي بغير مكان حتى لو طلعت مكان بيه ناس ومتونسين احس روحي ضايعه وفاقده فد شي وهمين من ارجع للعراق من رحت مرتين نفس الشي حسيت روحي غريبه وبس استمع منهم وما عندي مشاركات بكلامهم احس هوايه اشياء فاتتني بالعراق من ورا الغربه

اني هم صارت دمعتي بطارف عيوني واحس نفسي غريبه حتى ويه اهلي حتى الخوات احسهم تغيرو بسبب الغربه الاخوة الحقيقيه انج تلكين اخت تحن عليج وتضايق للي يضايقج بس للاسف الخوات صيرات مصالح
المهم الواحد عايش وسلام ويمكن من اسافر للعراق راح يكون احساسي مثل هيلين الغربه اني عايشتها حتى داخل نفسي وماحب ازو احد اهنا واحب اتعرف بس على العراقيين

اي والله بنات حتة اني من سافرت
هم اشوية ضجت رغم جنت ابحظن امي بس احنة اظاهر صارت بينة حالة نفسية من الغربة كمنة انظوج ابسرعة ونتحسس الله ايساعد كلبنة

الله يساعدكم ويرجعكم لبلادكم سالمين وغانمين بس شووووووووكت وية هاي الاوضاع اللي كل يوم من سيئ الى اسوء مع الاسف بس الله كريم وسبحااااااااان مغير الاحوال ماكو شي يدوم

الله يفرجهة علينة وعلى امة محمد

الغربة يعني الوحدة يعني نظام مغلق
اتمنى على كل بعيد السعادة والحب

هي صح انتو بعاد عن اهلكم ودياركم واحبابكم بس لو ترجعون تلكون النفوس تغيرت حتى مكمنة مثل قبل انشوف اهلنة واحبتنة حتى بالعيد الوضعية تغيرت يعني تمشون بشوارع بغداد والخوف بوجهكم وتكولون وية نفسكم هسة هذي السيارة تنفجر يمك وضعية تعبانة وترجعون بليلة وحدة صدكو هواية ترة بنات سووهة ورجعوا كلوا ماكو فايدة بعد بالعراق

والله على كولة حور احنا العايشين بالعراق كمنا نحس انه احنا غرباء عنا والخوف ذابحنا
يارب يعود الامن ونرجع نلتم من جديد

الله ايكون بعونكم والله الغربه صعبه الله ايرجعكم الدياركم ويجمعكم باهلكم بالخير والعافيه

الله ايساعدكم ويساعدنة والف شكر عالمرور اللطيف

» قصة حقيقيه حدثت في الزوراء
» حدثت بالفعل بالخطوط الجوية البريطانية (شوفوا عنصرية الانكليز)
» القطة التي لم تفكر جيدا
» المرأه التي ادهشت العالم
» ♥♥ღأجـــمل اللـــغات التي لا تعرف الكـــذب♥♥