نويت تعوفني وترح وما ضلك بعد رجعه
نويت تسافر وترتاح
تعوف قليبي وتلوعه
يالرايح دقيقه ارجوك عندي عتاب الك سمعه
تعلق كلبي بيك شلون هواك ومحد يمنعه
اذا غلطان انا وياك اصلح غلطتي بسرعه
واذا انت صرت مغرور مر غرورك نجرعه
واريد اسألك بالله شلون تغير كلبك وطبعه
مو انت الكلت اهواك وكلت سنيني الك شمعه
شو هسه تريد تروح وتعوف كليبي وتلوعه
فكر بيه وانت هناك حياتي تنكلب دمعه
ابجي ابجي وانتحر والله اكولن دمعتي ترجعه
واتيه ليلي من نهار وما اعرف سبت جمعه
لان بيك العمر مرهون ومنك طبعه اخذ طبعه
اريدك تبقى يا محبوب وتعوف السفر وتطلعه
ولو سافرت خذني وياك حطني كلاده ع الدلعه
لو حطني قلم بالجيب يبوس ايدك من تشلعه
لو جفيه حطني بأيد تضل على الشفه متولعه
اي شي اقبل اصير وياك لان هجرك منو يجرعه
كلشي ولا كحل بالعين تبجي دموع وتوكعه
سافر سافر روح الله وياك بس خل صوتك نسمعه
موضوع: يالرايح دقيقة ارجوووك 
الأحد مايو 09, 2010 1:56 pm
