دجــــــــــــــــلـــــه الــــنـــــــــــســـــــا ئــــــــــي
اهلا بك اختنا العزيزة في منتدانا ... يسعدنا تسجيلج معنا وسوف نسارع في قبول عضويتك فوجودك معنا يسعدنا




 
الرئيسيةالبوابةالتسجيلدخولمركز تحميل

شاطر | 
 

 الو ..وطني؟؟حبيبي وعمري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جنه
مشرفه
مشرفه
avatar

انثى الابراج العقرب الخنزير
عدد المساهمات : 537
تاريخ التسجيل : 29/05/2010
العمر : 33

مُساهمةموضوع: الو ..وطني؟؟حبيبي وعمري   الإثنين سبتمبر 13, 2010 3:47 pm

آسف انگطع الخط

ألو ..
ألو ..
ألو ..
وطني .. حبيبي .. عمري
أرجوك ما أسمعك
بلكي تعلي الصوت

أسمع رصاص و بچي
وعبر الأسلاك الدمع
يوصل وريحة موت

أسمع صياح ولغط
ومناداه يا هَل الربع
خل نرفع التابوت

أسمع عياط ولطم
وأم تنعه يا هلَ الولد
يلغربت بسكوت

ويل چنت وكت المسه
بيدك تگود الگمر
وتصيرله زاتوت

ويل چنت شمعة عرس
من تنطفي الكهربة
خدك يضوي بيوت

وچان الدرب يستحي
ويلوذ من خطوتك
لو ردت مره تفوت

مـاخـاف لـيل اليجي
مادام في معصمي
يوليدي تضوي بتوت .




ألو ..
ألو ..
ألو ..
مــاأســمعـك يـاوطـن
بالخط إجت وشوشه
وإرتفع صوت القصف

وصوت أَب يگل للولد
شـد روحـك بعـتبتك
يـولـيدي لا تنخـطـف

البارحه أعلِنَوا:
مجموعه ذبحت شمس
والصبح شفنه الصور
نشرتها كل الصحف

وأنباء أخرى إجت
عن إغتيال النهر
من سَيَّرْ إعله الجرف

والثالثه عن حقل
حرگوا ا ثيابه ومشِوا
والحال ما تنوصف

ومن قبل أول أمس
طَوقوا بيت اللغه
وباگوا ا بقايا الحرف

شدينه إيد الشرف
والطيب والمرجله
وأطلقنه إيد العنف


ألو ..
ألو ..
ألو ..
يمكن الخط إنقطع
مَيْؤَوسْ من هل الوضع
ماينصلِح هالظرف .




ألو ..
ألو ..
ألو ..
آسف ولا ينسمع
والصوت مو الأولي
الصوت أحس مرتبك

ذبـلان ورد الحچي
بشفافك ومنكتل
من حقي لو گمت أشك

آني عـرفـتك قبل
من تحچي ينزل رطب
والدنيا تمطر ضحك

وبكلشي أشوفك تهل
حتى الصبح من يجي
ويه الشمس تشترك

وما چان واحـد قبل
ياخذ رگبتك غفل
لو صار وكت العرك

وما بالَغِت لو گلت
چنت أويه موت النِزَلْ
لو زامطك تشتبك

والآن ياموطني:
دنگت لأصغر قزم
والچان يحلم قبل
يوصل الحَد الورك

معقوله ياموطني
إتخلي الگمر ينذبح
وسِتْر الشمس ينهتك؟ .



ألو ..
ألو ..
ألو ..

وطني .. حبيبي .. عمري
چن بلهاتك جَرِحْ
من تحچي أحِسْ مختنگ

شــايل بچفك نــهـر
مـيت ونخله إنكـتل
مـــــــابـين إديـهـا العثگ

شايـل بچفك وطــن
مذبوح من كل كتر
وبثوبـه ريحة حــرگ

مـن چنت أبـوسك قبل
خـدك يوَرِد هـوى
ومـثل الگمر تعتلگ

والآن ياموطني
دم بلبل براحِتك :
يابس وريحة كتل
توصلني كلما تمر
نسمه إعله جثة
العشگ

هم شفت قبلك وطن
كتاله شعبه وزرَع
بثيابه مِيَة فتگ ؟

إحچي أريدْ أسْمَعَك
مايسوه باقي العمر
لوما تگول الصدگ

يلنعشَك إعله الچتف
شلته بعد ماشفت
گطعوك من العِرِگ



ألو..
ألو ..
ألو ..

وطني .. حبيبي .. عمري
الليله كاس الحزن
أرد أشربه بصحتك

مرت سنه من قهر
وسنين راحت تچي
وأنت على حـالتــك

دورت بين الصور
گلت ألگة بلكت ولو
شي باقي من ضحكتك

وفجأة:
إتفَجِرَتْ قنبله
مزروعه وسط الصور
والدم ترَسْ راحِتك

ودخان عالي إرتفع
ما گمت أمَيّـز بعد
رجليك من هامِتك

كتلوك ياموطني
أهل الوجوه الصفر
واللي گرط ملحِتك

گابلني شيل النعش
أرد آني أدفنك وأرد
أحچيلهــــــم قصِتك

لكن غريب الأمر:
إشلون أدفن ضوه
وياگاع تگدر تلم
ياموطني جثتك؟
[center]

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
بريق الماس
ملكة
ملكة


انثى الابراج الجوزاء الفأر
عدد المساهمات : 3422
تاريخ التسجيل : 18/04/2010
العمر : 33
الموقع : العراق

مُساهمةموضوع: رد: الو ..وطني؟؟حبيبي وعمري   الثلاثاء سبتمبر 14, 2010 12:29 am

والآن ياموطني:
دنگت لأصغر قزم
والچان يحلم قبل
يوصل الحَد الورك


اللهههههههههههههههههههههههههههه رووووعة الكلمات وفعلا تعبر عن الوضع اللي عايش بيه العراق هسة بمعنى الكلمة
الرجوع الى أعلى الصفحة اذهب الى الأسفل
جنه
مشرفه
مشرفه
avatar

انثى الابراج العقرب الخنزير
عدد المساهمات : 537
تاريخ التسجيل : 29/05/2010
العمر : 33

مُساهمةموضوع: رد: الو ..وطني؟؟حبيبي وعمري   الثلاثاء سبتمبر 14, 2010 12:50 am

اسعدني مرورك كثيراااااااا شكرا لك

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
الو ..وطني؟؟حبيبي وعمري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دجــــــــــــــــلـــــه الــــنـــــــــــســـــــا ئــــــــــي :: المنتديات الادبية :: منتدى القصائد والشعروالغناء-
انتقل الى: