دجــــــــــــــــلـــــه الــــنـــــــــــســـــــا ئــــــــــي
اهلا بك اختنا العزيزة في منتدانا ... يسعدنا تسجيلج معنا وسوف نسارع في قبول عضويتك فوجودك معنا يسعدنا




 
الرئيسيةالبوابةالتسجيلدخولمركز تحميل

شاطر | 
 

 ابوذيات عراقية من تجميعي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بريق الماس
ملكة
ملكة


انثى الابراج الجوزاء الفأر
عدد المساهمات : 3422
تاريخ التسجيل : 18/04/2010
العمر : 33
الموقع : العراق

مُساهمةموضوع: ابوذيات عراقية من تجميعي    الجمعة يوليو 23, 2010 7:34 am

ووةن

هاي ابوذيات عراقية من تجميعي اتمنى تعجبكم ...

********************************************************************************

كتابه على الرمل ::: شعر شعبي عراقي حزين

--------------------------------------------------------------------------------

طويناها صفحتك ونتهه الموضوع
فعل ماضي صفيت وخلصت المده
اشتتوقع ابوس اجدامك من تروح
واسحك كبريائي واطلب النجده
صح جدمي عثر من شفت طولك لاح
لاكن مانخيتك من طحت عمده
توجيت اعله جرحي وماطلبت العون
لان ادري اليطيح اجفوفه لتسنده
صح الكمر اكبر ونجوم ازغار
بس تحله السمه مو بالكمر وحده
واذا ساكت تره مو لان ماكو السان
مرات الصمت من الحجي ابده
وجف المايصافح جفك بالحساس
لا تعتب عليه وتنتخي بزنده
من اكتب شعر لاتعتقد بطران
البلابل بالقفص من ظيمهه مغرده
ماصدك بعد دمعاتك من اطيح
هم يهمل دمعهه العين لورمده
روح بلا وداع وكل اثر ماريد
اليكتب علرمل يعرف قدر كتبه
*******************************************************************************************


اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية



ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية




كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية




يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية






تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية




سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية

*****************************************************************************

خلبص واعدل بكيفك وشربك
وبان الغيض بعيونك وشربيك
اجرعك لو جنت حنظل واشربك
واحبك لو صرت جتال اليه

كفر هذا العملته وياي موصد
وكلبي تلكه سهامك حضن موصد
بابك بس عليه هواي موصد
ولغيري فتحته وخنت بيه

ياهو الفات لكليبك وطبله
مو انت الدوه لجرحي وطبله
تدري بنغمة اكليبي وطبله
نغمته من تدك كل ساعه عليه

اضلل عالصديج وعلي ماضل
وياهو العن طريجه اليوم ماضل
اغربل بالربع ضليت وماضل
سوى الغربيل ثابت بين اديه

تره الحب مو حجايه بالمعاني
ومثل الذهب صافي بالمعاني
بمحيطك صاير اني بلم اعاني
وروجت غدرك التلعب عليه

لاتظن نار كلبي اعليك تبرد
وبعد كل الحجيته وياك تبرد
شوكت مااجيك بسجين تبرد
دهاك اذبحني هوه شضال بيه

حلو طبعك حبيبي من تعادي
احكمت كلبي قساوه وانت عادي
تمنيتك حبيبي من تعادي
تعادي اليوزونك عليه

البشر معدن تعرفه بيوم ينحاك
ويوم التوكع ومكسور ينحاك
علي خيط المصايب دوم ينحاك
واليكتلك اخوي الحاك اليه

كلبك صرح علي صراحه
والمقيد انه كلبي وما يطلب سراحه
تريد الصدك واحجيلك صراحه
تره هواي كمت اتعيل بيه

زماني هموم بيه هموم خله
وكلبي اشكد بجه من راح خله
يلايم لاتلوم الكلب خله
خله ينوح من هاي الأذيه

وحك المصطفى وحيدر والأحسان
ربعي انكرو كل طيبي والأحسان
هون ياكلب واصبر والأحسان
ميخونك الا الذاته رديه
*****************************************************

مع حبي وتقديري
الرجوع الى أعلى الصفحة اذهب الى الأسفل
مغرورة ودلع قطعة مني
نشيطه
نشيطه
avatar

انثى عدد المساهمات : 160
تاريخ التسجيل : 04/07/2010

مُساهمةموضوع: رد: ابوذيات عراقية من تجميعي    الخميس يوليو 29, 2010 2:52 pm

[ندعوك للتسجيل في المنتدى أو التعريف بنفسك لمعاينة هذه الصورة] يسللمووووووووووووووووووووووووووو.
الرجوع الى أعلى الصفحة اذهب الى الأسفل
بريق الماس
ملكة
ملكة


انثى الابراج الجوزاء الفأر
عدد المساهمات : 3422
تاريخ التسجيل : 18/04/2010
العمر : 33
الموقع : العراق

مُساهمةموضوع: رد: ابوذيات عراقية من تجميعي    الخميس يوليو 29, 2010 2:58 pm

منورة دلووووووووووووووووووووووووووعة
الرجوع الى أعلى الصفحة اذهب الى الأسفل
 
ابوذيات عراقية من تجميعي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دجــــــــــــــــلـــــه الــــنـــــــــــســـــــا ئــــــــــي :: المنتديات الادبية :: منتدى القصائد والشعروالغناء-
انتقل الى: